25 июл 18:45
Янгиликлар
Камондан отиш, Париж-2024
Зиёдахон Абдусатторова: "Медаль учун тиш-тирноғимиз билан курашамиз"
Камончи Зиёдахон Абдусатторова Париж Олимпиадаси саралашидаги чиқишидан кейин ўз фикрлари билан ўртоқлашди.
"Ҳиссиётлар жуда ҳам ҳаяжонли. Мусобақа кўтаринки кайфиятда ўтказилди. Кейинги босқичларда ҳам яхши натижалар кўрсатишга қўлдан келганча ҳаракат қиламиз. Аслини олиб қараганда, камондан отиш бўйича мустақаллик йилларидан кейин илк бор йўлланма қўлга киритилди. Бу жуда ҳам узоқ кутилган эди. Токиодаги мусобақада иштирок этишимиз учун озгина баллар етмай қолган эди. Бу ерда фақатгина энг кучлилар йиғилган. Ҳамма олтин медаль учун келган. Биз ҳам қўлимиздан келганича, тиш-тирноғимиз билан курашамиз", деди Абдусатторова.
У бугун бўлиб ўтган аёллар ўртасидаги саралаш баҳсида 649 очко билан 34-натижани қайд этган эди. Эндиликда спортчимиз 31 июль куни 1/32 финал баҳсини ўтказади.
Ҳавола :
Манба : olamsport.com
Фикрлар