13 фев 06:47
Янгиликлар
Бокс/ММА
Зўр хабар! Маҳмуд Мурадов Хабиб - Тони оқшомида октагонга кўтарилади + ФОТО
Ўзбекистонлик илк UFC жангчиси Маҳмуд Мурадовнинг навбатдаги жангини қачон ва қаерда ўтказиши маълум бўлди.
Бу ҳақида ҳамюртимизнинг ўзи хабар берди. Мурадов 18 апрель куни АҚШнинг Нью-Йорк штати Бруклин шаҳарчасида ташкил этиладиган UFC 249 турнирида октагонга кўтарилади. Бугун Маҳмуд бўлажак жанг шартномасига имзо чекди. Аммо, ҳозирча унинг рақиби аниқ эмас.
Эслатиб ўтамиз, UFC 249 оқшомининг марказий жангида енгил вазн тоифаси чемпиони Хабиб Нурмагомедов промоушендаги асосий рақиби Тони Фергюсонга қарши жанг ўтказади.
Маълумот учун, Маҳмуд Мурадов аслида UFCдаги учинчи жангини 14 март куни Fight Night 170 турнири доирасида Антонио Карлос Жуниорга қарши баҳс олиб бориши лозим эди. Лекин жангга икки ой қолганда Карлос жароҳат олди ва шу сабабли жанг бекор қилинганди.
Ҳавола :
Манба : olamsport.com
Фикрлар