Зубайра Тухугов фаолиятини якунлади

Бу ҳақда унинг менежери Ризван Магомедов хабар берди. 

"Зубайра фаолиятини тўхтатди. Биз у билан бирга ишлашда давом этамиз. Унга ёрдам берамиз", – дея Магомедовнинг сўзларини келтиради ТАСС ахборот агентлиги.

Эслатиб ўтамиз, Зубайра Тухугов ўтган йили UFC ростеридан чиқарилган эди. UFC 284 турнирида у бразилиялик Элвис Бренерга ҳакамларнинг айри қарори билан имкониятни бой берганди. Зубайранинг UFCдаги аксарият жанглари унинг вазн қила олмагани учун бекор қилинган. Тухугов ММАдаги фаолияти давомида 27 та жанг ўтказиб, 20 ғалаба ва 7 мағлубият қайд этган.