19 июл 13:20
Янгиликлар

Бокс/ММА

Зубайра Тухугов иштирокидаги жанг бекор қилинди

Ярим енгил вазн тоифасида россиялик UFC жангчиси Зубайра Тухугов иштирокидаги тўқнашув ўтказилмайди.

У 6 август куни UFC on ESPN 40 турнири доирасида америкалик Нейт Ландверга қарши октагонга кўтарилиши лозим эди. Жангнинг бекор қилинишига Зубайранинг виза билан боғлиқ муаммоси сабаб бўлган. Россиялик жангчи виза олишга улгурмаган. Айни пайтда ташкилот матчмейкерлари Ландверга янги рақиб излашяпти.

Эслатиб ўтамиз, 31 ёшли Зубайра Тухугов 2014 йилдан бери UFC промоушенида жанг қилиб келяпти. Унинг ҳисобида 8 та жангдан 5 ғалаба, 2 дуранг ва 1 мағлубият бор. У сўнгги жангини ўтган йилнинг октябрь ойида Рикардо Рамосга қарши ўтказиб, очколар ҳисобига кўра ғалаба қозонганди.