26 сен 09:28
Янгиликлар

Бокс/ММА

Зубайра Тухугов меъёрдан 2,5 кг оғир тош босди

Бизнинг вақт билан эртага тонгда Абу-Дабидаги "Жанглар ороли"да UFC 253 турнири бўлиб ўтади.

Оқшом иштирокчилари жангдан олдин анъанага кўра тарозидан ўтиш маросимида ҳозир бўлишди. Ярим енгил вазн тоифасида октагонга чиқувчи Зубайра Тухугов белгиланган вазн меъёрини бажара олмади. У роппа-роса 68 кг вазн кўрсатди. Бу вазнда максимал меъёр - 65,7 кг. Энди у ортиқча 2,5 кг учун гонорарининг маълум қисми (20-30 фоиз атрофида)ни рақибига беради.

Эслатиб ўтамиз, Зубайра Тухугов эртага Хаким Даводуга қарши октагонга кўтарилади. Бу Зубайра учун жорий 2020 йилдаги илк жанг бўлади.