20 янв 13:00
Янгиликлар

Бокс/ММА

Зубайра Тухугов UFC билан янги шартнома имзолади

Россиялик UFC жангчиси Зубайра Тухугов промоушен билан янги шартномага имзо чекди.

Зубайра 2 апрель куни бошланадиган Рамазон рўзасигача октагонга қайтишни режалаштиряпти. Бу ҳақда Хабиб Нурмагомедовнинг ўзи хабар берди.

"У UFC билан янги шартнома имзолади. Виза олиш ишларини бошлаб юбордик. Умид қиламизки, жанг Рамазонгача ўтказилади", - дея ўзининг Инстаграм саҳифасида хабар қолдирган Хабиб.

Маълумот учун, 31 ёшли Зубайра Тухугов охирги жангини ўтган йилнинг октябрь ойида Абу-Дабидаги UFC 267 турнирида Рикардо Рамосга қарши ўтказиб, очколар ҳисобига кўра ғалаба қозонган эди.