UZ

Сўнгги янгиликлар

14:39"Реал" 2020 йилнинг энг қиммат футбол клуби. "Ювентус" ТОП-10дан чиқиб кетди 0 14:18Жастин Гэтжи: "Конорга қарши жанг қилишдан маъно йўқ" 0 13:57Денис Истомин: Жокович томондаман. Мени ҳам айбланглар! 0 13:36Конор Хабиб – Жастин жанги ғолиби билан тўқнаш келади 0 13:15“Бавария” клуб рамзи туширилган ниқоблар сотувидан 250 минг евро ишлаб олди 0 12:54Дунёнинг 405-ракеткаси бош совринга эга чиқди 0 12:33Петра Прагадаги турнир ғолибасига айланди 0 12:12Спортчилар ижтимоий тармоқларда 0 11:48“Барселона” ва “Реал” бир футболчи учун курашади 0 11:24Ўзбекистонда велоспортнинг BMX йўналиши бўйича трасса қурилиши бошланди 0 11:00WBА президенти лавозимига қайта сайланди 0 10:34Макгрегор чақирувини қабул қилди. У ўзи учун янги вазнда иштирок этиши мумкин 2 10:05“Реал” Погба учун 4 футболчисини МЮга беришга тайёр 0 09:41Масвидал нима сабабдан Камару Усманга қарши жанг бекор бўлганини айтди 0 09:15Майк Тайсонга қарши жанг қилиши истагидагилар ортиб бормоқда 1

29 окт 14:42
Янгиликлар

Зуҳра Умрзоқова – миллий спортимизни дунёга танитаётган қиз

Мамлакатимизда хотин-қизлар ўртасида спортни ривожлантиришга қаратилаётган улкан эътибор самарасида халқаро миқёсдаги нуфузли мусобақаларда мунтазам ғолиб ва совриндорлар қаторидан жой олаётган спортчи қизларимиз сафи тобора кенгайиб бормоқда.

Ўзбек жанг санъати билан шуғулланаётган ўғил-қизлар орасида мамлакатимиз ва халқаро миқёсдаги мусобақаларда муваффақиятли иштирок этиб, миллий спортимизни дунёга танитаётган Зуҳра Умрзоқованинг ютуқларига тенгдошлари ҳавас қилади. 

Тошкент педагогика коллежи ўқувчиси Зуҳра ўн ёшидан Чилонзор туманида жойлашган 126-умумтаълим мактабининг ўзбек жанг санъати спорт тўгарагида Бекзод Тўхтасинов қўл остида шуғуллана бошлаган. 

– Унда дастлабки кунларданоқ ўзига хос ҳаракатчанлик, ғалабага бўлган интилишни сезганман, – дейди Б.Тўхтасинов. – У ҳар бир машқни тўла ўзлаштирмагунча тиниб-тинчимайди, уни бехато бажаришга ҳаракат қилади. 

З.Умрзоқова туман ва шаҳар миқёсидаги мусобақаларда тобланиб, 2011 йил мамлакат чемпионлигини қўлга киритди ва биринчи даражали қора белбоғ соҳибасига айланди. 

У 2013 йили Жанубий Кореяда ўтказилган Бутунжаҳон яккакурашлар фестивалида бронза медални қўлга киритди. Ўз олдига жиддий мақсадлар қўйган Зуҳра 2015 йилда мазкур мусобақанинг олтин медалига сазовор бўлди. 

Шунингдек, у ўтган йили Россия, Португалия, Италия ва Қозоғистонда ўтказилган нуфузли мусобақаларда шоҳсупага кўтарилди. Жорий йилги спорт мавсумида мамлакат биринчилигида ғолиб чиқиб, Жанубий Кореяда ўтказилган Бутунжаҳон яккакурашлар фестивалида яна олтин медални қўлга киритди. 

– Мамлакатимизда биз, ёшларнинг спорт билан мунтазам шуғулланишимиз учун барча имконият яратилган. Ўзбек жанг санъати билан шуғулланиш менга катта завқ бағишлайди, – дейди Зуҳра. – Мазкур спорт тури орқали биз кўплаб чет давлатларда Ватанимиз маданиятини, спортини намойиш этишдек бахтга муяссар бўлаётганимиздан бахтиёрмиз. 

– Қизим спорт билан шуғулланганидан хурсандман, – дейди унинг онаси Мукаррам Умрзоқова. – Мусобақаларда ғалаба қозонаётганидан фахрланаман, кўзларимда қувонч ёшлари қалқийди. Унинг мана шундай катта натижаларга эришаётгани мамлакатимизда ёшларни ҳар томонлама қўллаб-қувватлашга қаратилаётган юксак эътибор натижасидир. 

Баркамол ёш авлодни тарбиялаш, ноёб истеъдод ва қобилият эгаларини муносиб рағбатлантириш юзасидан кўрсатилаётган ғамхўрлик юксак самаралар бермоқда. Йигит-қизларни улкан марралар сари чорлаб, юртимиз шону шавкатини дунёга тараннум этишдек улуғ мақсадлар сари етаклаётир. Буни Зуҳра Умрзоқова каби ёшлар ўқишда ва спортда эришаётган юқори натижалар яққол тасдиқлайди. 

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг