26 май 10:55
Янгиликлар

Бокс/ММА

Зуҳриддин Ғофуров ACA 158 турнирида россиялик тажрибали жангчига қарши октагонга чиқади

Аралаш яккакурашчимиз Зуҳриддин Ғофуров ACA лигасидаги иккинчи жангини ўтказади.

2 июнь куни Россиянинг Санкт-Петербург шаҳрида ACA (Absolute Championship Akhmat) лигасининг 158-рақамли мусобақаси бўлиб ўтади.

Эътиборлиси, ушбу рақамли турнирда ўзбекистонлик Зуҳриддин Ғофуров (5-1) ҳам жанг қилади. Ҳамюртимизга россиялик тажрибали Артём Семёнов (11-3) рақиблик қилади. Бу Ғофуров учун ACA лигасидаги иккинчи жанг бўлади, у ўз дебютида бошқа бир россиялик — Альберт Жапуевга (15-4) имкониятни бой бериб қўйган эди.

Эслатиб ўтамиз, ўтган ҳафтада Отабек Тохиров ACA лигасида жанг қилиб, рақиби устидан ғалаба қозонган илк ўзбекистонлик жангчига айланган эди.