31 авг 15:46
Янгиликлар

Теннис

Зверев US Open 1/8 финалига чиқди

Дунёнинг тўртинчи ракеткас Александр Зверев АҚШ Очиқ чемпионатининг нимчорак финал иштирокчисига айланди.

Германиялик теннисчи ATP рейтингида 77-поғонада бораётган аргентиналик Томас Мартин Этчеверрини тўрт сет натижасига кўра мағлубиятга учратди - 5/7, 7/5, 6/1, 6/3. Зверев теннисчиларнинг ўзаро иккинчи учрашувида ҳам рақиби устидан зафар қучди.

Уч соату 35 дақиқа давом этган баҳсда Зверев 12, Этчеверри 8 та эйс зарбасини амалга оширди. Қўшхатолар олмон теннисчисида уч баробар кўп бўлди - 6 га 2. Брейклар бўйича устунлик ҳам ғолиб теннисчи томонида бўлди - 8 га 4. Энди у америкалик Брэндон Накашимага қарши кортга чиқади.