Dunyoning ikkinchi raketkasi Riodagi turnirda 1/8 finalga chiqdi

Dunyoning ikkinchi raketkasi Karlos Alkaraz nimchorak final ishtirokchisiga aylandi. Ispaniyalik tennischi 115 daqiqa davom etgan bahsda ATP reytingida 556-pog'onada borayotgan braziliyalik Mateus Alvesni ikki setda ham bir xil hisobda mag'lubiyatga uchratdi - 6/4, 6/4.

Bu tennischilarning o'zaro o'tkazgan ilk uchrashuvi edi. Karlos 4, Mateus 5 ta eys zarbasini amalga oshirgan. Qo'shxato Alkarazda ko'proq bo'ldi 4 ga 2. Breyklar esa ispaniyalik tennischi foydasiga xuddi shu statistikaning teskarisi bo'ldi. Endi u 1/4 final chiptasi uchun italiyalik Fabio Foniniga qarshi kortga chiqadi.