19 yoshli Diana faoliyatidagi ilk sovringa ega chiqdi

Bosh sovrin rossiyalik Diana SHnayderga nasib etdi. Dunyoning 108-raketkasi bo'lib kelgan SHnayder hal qiluvchi final uchrashuvida WTA reytingida 45-pog'onada borgan xitoylik CHju Linni uch set natijasiga ko'ra mag'lubiyatga uchratdi - 6/3, 2/6, 6/1.

Bir daqiqasi kam ikki soat davom etgan bahsda SHnayder 1 ta eys va 6 ta breykka erishib, 1 ta qo'shxatoga yo'l qo'ydi. Tennischilarning o'zaro uchrashuvlaridagi hisob 2:0 ko'rinishiga keldi. 

Tailanddagi muvaffaqiyatli ishtirok SHnayderga 250 reyting ochkosi hamda 36,250 dollar mukofot puli keltirdi. Bu 19 yoshli rossiyalik iqtidor egasining ilk WTA sovrini bo'ldi. Bugun elon qilingan reytingda u dunyoning 73-raketkasiga aylanib oldi.