21 avg 08:46
Yangiliklar

Tennis

19 yoshli Kori Goff Cincinnati WTA 1000 turniri g'olibasi

Dunyoning ettinchi raketkasi Kori Goff AQSHning Cincinnati shahrida yakuniga etgan nufuzli WTA 1000 turniri bosh sovrinini qo'lga kiritdi.

Amerikalik 19 yoshli iqtidor egasi hal qiluvchi final uchrashuvida WTA reytingining 17-pog'onasida borayotgan chexiyalik Karolina Muxovani 6/3, 6/4 hisoblarida mag'lubiyatga uchratdi. Bu tennischilarning o'zaro o'tkazgan ilk uchrashuvi sifatida tarixga kirdi.

Uch daqiqasi kam ikki soat davom etgan final bahsida muxlislar eys zarbasini ko'rishmadi. Goff 6, Muxova 5 ta qo'shxatoga yo'l qo'ydi. Breyklar Kori foydasiga ko'proq bo'ldi - 5 ga 3!

Goff Western & Southern Open turniridagi muvaffaqiyatli ishtirokidan 900 reyting ochkosi hamda 454,500 AQSH dollari ishlab oldi. Bu Kori uchun so'nggi bir oydagi ikkinchi, mavsumdagi uchinchi sovrin bo'ldi. Avvalroq u Oklend va Vashingtondagi turnirlarda ham bosh sovrinni qo'lga kiritgandi.