34 yoshli Aziz Kamilov O'zbekiston dzyudo federaciyasining yangi prezidentiga aylandi

Unda O'zbekiston Milliy olimpiya qo'mitasi prezidenti Umid Ahmadjonov, Jismoniy tarbiya va sport vazirining birinchi o'rinbosari Oybek Kasimov, O'zbekiston dzyudo federaciyasi mutasaddilari va ommaviy axborot vositalari xodimlari ishtirok etishdi.

Yig'ilish kun tartibidan o'rin olgan asosiy masalalar tashkilotga yangi rais saylab olishdan iborat edi. SHuni inobatga olgan holda federaciya rahbarligiga Aziz Kamilov nomzodi ilgari surildi. Konferenciya ishtirokchilari taqdim etilgan nomzodni qo'llab-quvvatlashdi va shu tariqa Aziz Kamilov O'zbekiston dzyudo federaciyasining yangi raisi lavozimiga saylandi. Jamshid Nasriddinov esa federaciya bosh kotibi lavozimida faoliyat olib boradigan bo'ldi.

Konferenciya davomida so'zga chiqqan Umid Ahmadjonov yangi rahbariyat oldiga mamlakatimizda dzyudo ommaviyligini oshirish, Tokio Olimpiadasida delegaciyamiz hisobiga oltin medalni taqdim etish vazifasini qo'ydi. O'z navbatida buning uchun Milliy olimpiya qo'mitasi tomonidan etarli shart-sharoitlar yaratib berilishini malum qildi.

Dzyudo federaciyasining yangi raisi esa o'ziga bildirilgan ishonchni oqlab, yangidan-yangi muvaffaqiyatlarni qo'lga kiritishga tayyor ekanligini aytdi. O'z rejalari bilan tanishtirib o'tdi. O'z navbatida bungacha erishilgan natijalarda, Respublikamizda dzyudoning bugungi kunda tutgan mavqeida federaciyaning avvalgi rahbariyati hissasi katta ekanligini alohida qayd etib o'tdi.

Malumot uchun, Kamilov Aziz Yakubjanovich 1984 yilning 19 iyunida Toshkent shahrida tavallud topgan. Oilali. Toshkent davlat yuridik universitetini tamomlagan.