Abduraimova Berlin WTA 500 turnirining saralash final uchrashuvida kortga chiqdi

Saralashning yarim final uchrashuvida zafar quchgan hamyurtimiz Nigina Abduraimova finalga beriladigan bahsda o'z omadini sinab ko'rdi. WTA reytingida 210-pog'onadan joy olgan Nigina dunyoning 147-raketkasi, rossiyalik Anastasiya Gasanovaga qarshi kortga chiqdi. 

Afsuski, mamlakatimizning birinchi raketkasi roppa-rosa 90 daqiqa davom etgan uchrashuvda saralashning oltinchi raketkasiga 5/7, 2/6 hisobida imkoniyatni boy berib, musobaqadagi ishtirokini yakunladi. Bahs davomida Abduraimova bitta eys zarbasini amalga oshirgan. Nastyada bu ko'rsatkich nolga teng bo'ldi.