Abduraimova "Uimbldon" turniri yarim finalida kortga chiqdi

Xabaringiz bor, musobaqaning ayollar o'rtasidagi bahslarida hamyurtimiz Nigina Abduraimova ham o'z omadini sinab ko'rayotgan edi. Kecha vakilamiz saralashning ilk davrasida turkiyalik Ipek Ozni 0:6, 6:4, 6:2 hisoblarida mag'lub etib, ikkinchi bosqichga yo'l olgandi.

Afsuski, yarim finalda mamlakatimizning birinchi raketkasi lixtenshteynlik Fon Dayxmannga imkoniyatni boy berib qo'ydi. WTA reytingida 183+o'rinni egallab turgan Fon 74 daqiqa davom etgan uchrashuvda 6/4, 6/4 hisobida zafar quchib, saralashning finaliga yo'l oldi. 

Taqqoslash uchun, Nigina WTA reytingida 204-pog'onadan joy olgan. Kecha Abduraimova tomonidan mag'lub etilgan Ipek Oz esa dunyoning 168-raketkasi bo'lib turgandi. Bugungi uchrashuvda Nigina 2 ta eys zarbani ijro etib, 6 ta qo'shxatoga yo'l qo'ygan.