Adelaidadagi mavsumning ilk WTA turniriga qura tashlandi

3-9 yanvar kunlari oralig'ida o'tkaziladigan turnirning birinchi raketkasi sifatida sayyoramizning birinchi raqamli tennis malikasi Eshli Barti qayd etildi. Avstraliyalik tennischi qura natijasiga ko'ra ikkinchi davradan bahslarga kirishadi va bu bosqichda amerikalik Kori Goff yoki saralashda yutgan raketka ustalarining biri bilan to'qnash keladi. 

Dunyoning ikkinchi raketkasi, belaruslik Arina Sobolenko ikkinchi bosqichda sloveniyalik Kayya Yuvan va franciyalik Xloe Pake uchrashuvi g'olibasi bilan uchrashadi. Greciyalik Mariya Sakkari sloveniyalik Tamara Zidanshekka qarshi kortga chiqadigan bo'ldi.

Ukrainalik tennis malikasi Elina Svitolinaning raqibasi rossiyalik Anastasiya Gasanova bo'ladi. Boshqa bir rus tennischisi Ekaterina Aleksandrova esa kanadalik Leyla Fernandesga qarshi bahs olib boradi.