Akgul Amanmuradova Osiyo-Okeaniya mintaqasidan ITFning o'yinchilar komissiyasiga azo bo'ldi

28 maydan 10 iyungacha bo'lib o'tgan saylovda ITF bo'yicha jahon turnirlarida qatnashadigan 1000 dan ortiq raketka ustalari o'zlari uchun maqul nomzodga ovoz berishdi.

Quvonarlisi, yakunda ayollar komissiyasi tarkibidan hamyurtimiz Akgul Amanmuradova ham joy oldi. SHuningdek, xotin-qizlar komissiyasida Ines Ibbu (Jazoir), Pyotr Yanuskov (CHexiya), Julian Lizaraso (Kolumbiya), Tara Mur (Buyuk Britaniya), Konni Perrin (SHveycariya), Oliviya Tyandyamuliya (Avstraliya) kabi nomlarni ham ko'rish mumkin.

Erkaklar komissiyasi tarkibi esa quyidagicha ko'rinish oldi: Xose Bendek (Kolumbiya), Ti-CHen (Xitoy Taipeyi), Niki Panacha (Hindiston), Xuan Paz (Argentina), Aldin Sektik (Bosniya va Gercegovina), Franchesko Villardo (Italiya). Takidlash joiz, erkaklar komissiyasida yana bir o'rin vakili nomi yaqin kunlarda elon qilinadi.

Tennischilarning mazkur komissiyadagi azoligi 2 yil muddatga belgilangan. O'zbekiston Milliy olimpiya qo'mitasi Akgul Amanmuradova va o'zbek tennisi oilasini yana bir muvaffaqiyat bilan tabriklab qoladi.