Alamjon Mullaev Osiyo sambo uyushmasi prezidentligiga qayta saylandi

Ushbu Kongressda O'zbekiston Respublikasi Turizm va sport vaziri o'rinbosari Avaz Karimov, Milliy olimpiya qo'mitasi bosh kotibi Oybek Kasimov, Osiyo sambo uyushmasi prezidenti Alamjon Mullaev, tashkilotga azo mamlakatlar delegatlari va boshqalar ishtirok etishdi.

Kun tartibidan Osiyo sambo uyushmasining boshqaruv organlariga, shuningdek tashkilotga yangi rahbar saylash masalalari o'rin olgandi.

Kongressda 15 ga yaqin mamlakat vakillari bevosita, qita sambo uyushmasiga azo qolgan mamlakatlar vakillari esa onlayn ravishda ishtirok etishdi.

Kun tartibining asosiy masalasi - tashkilotga prezident saylovlarida delegatlar amaldagi prezident Alamjon Mullaevni ushbu lavozimga qayta saylashdi. 

O'zbekiston sambo associaciyasi ushbu ishonch bilan Alamjon To'xtasinovichni muborakbod etadi va mazkur lavozimda muvaffaqiyatlar tilaydi.

 O'zbekiston sambo associaciyasi matbuot xizmati