Aleksandr Zverev "Masters" turnirining to'rtinchi davrasiga chiqdi

Jahonning to'rtinchi raketkasi, germaniyalik Aleksandr Zverev turnirning uchinchi davrasida ATR reytingida 54-pog'onani band etgan amerikalik Makkenzi Makdonaldni 6/2, 6/2 hisobida mag'lub etdi.

Uchrashuv 1 soatu 14 daqiqa davom etdi. O'yin davomida 24 yoshli Zverev o'nta eysni amalga oshirdi, to'pni o'yinga kiritishda bir marta xatoga yo'l qo'ydi va to'rtta breyk-poynktni qayd etdi, 26 yoshli Makdonald esa ikki marta eys amalga oshirib, bir marta qo'sh xatoga yo'l qo'ydi. Sportchilar o'rtasidagi  o'zaro uchrashuvlarda nemis tennischisi hisobni yiriklashtirdi, 3:0 .

Zverev Miami Open turnirining to'rtinchi bosqichida avstraliyalik Tanasi Kokkinakisga qarshi bahs olib boradi.