Alisher Usmonov yurtimizda koronavirusga qarshi kurash yo'lida 20 million AQSH dollari ajratdi

Usmonov ushbu sayi harakatlar uchun 20 million AQSH dollari miqdoridagi pulni beg'araz hadya qilmoqda.

"Taniqli tadbirkor, mecenat Alisher Usmonov ham davlatimiz rahbarining say-harakatlarini qo'llab-quvvatlab, "Mehr-shafqat va salomatlik" fondiga o'z hisobidan xayriya mablag'lari o'tkazayotgan saxiy yurtdoshlarimiz qatorida shu kunlarda jadallik bilan bunyod etilayotgan mazkur kasalxona qurilishiga baholiqudrat o'z hissasini qo'shish niyatida ushbu shifoxonani eng zamonaviy tibbiyot uskunalari bilan jihozlash uchun 20 million dollar miqdorida mablag'ni ajratdi.

Bu mablag' O'zbekiston Respublikasi Sog'liqni saqlash vazirligiga taqdim etildi va xalqimiz salomatligini muhofaza qilish va tiklash maqsadida davlatimiz rahbari tomonidan bunyod etilayotgan mazkur kasalxonani zarur tibbiy uskunalar bilan taminlashga yo'naltiriladi", – deyiladi xabarda.

Ayni paytda Toshkent shahri va viloyatida katta hududlar karantinga olinadigan insonlar uchun maxsus joylarga aylantirilmoqda.