Amaldagi "Rolan Garros" chempioni to'rtinchi davraga chiqdi

Franciya Ochiq chempionatining ayollar o'rtasidagi bahslarida amaldagi chempion Iga Svyontek to'rtinchi davra ishtirokchisiga aylandi. Polshalik tennis malikasi uchinchi bosqichda WTA reytingining 42-pog'onasida borayotgan chexiyalik Mari Buzkovani taslim etdi - 6/4, 6/2.

Bu tennischilarning o'zaro o'tkazgan ilk uchrashuvi edi. To'qson besh daqiqa davom etgan bahsda Svyontek 2, Buzkova 5 ta eys zarbasini amalga oshirgan. Qo'shxatolar chexiyalik tennischida ko'proq bo'ldi - 3 ga 1. Breyklar bo'yicha ustunlik Iga tomonda - 4 ga 1! Endi u to'rtinchi davrada rossiyalik Anastasiya Potapovaga qarshi kortga chiqadi.