Anisimova ilk sovrinini Bogotada qo'lga kiritdi

Amerikalik tennischi Claro Open Colsanitas turnirining finalida avstraliyalik Astra SHarmaga qarshi kortga chiqdi. Amanda 1 soatu 43 daqiqa davom etgan bahsda reytingning 138-pog'onasidan joy olgan raqibasini 4/6, 6/4, 6/1 hisobida engdi.

Amanda Bogotadagi turnirni uzoq vaqt eslab qoladi. U faoliyatidagi ilk sovrinini aynan shu erda qo'lga kiritdi. Anisimova turnirdagi muvaffaqiyatli ishtirok sabab hamyonini 43 000 dollarga boyitib oldi. O'z hisobiga 280 reyting ochkosini ham yozib qo'ydi.