Arina Sobolenko Lincda chempion bo'ldi

Hal qiluvchi final uchrashuvida belaruslik Arina Sobolenko belgiyalik raqibasi Elize Mertensga qarshi kortga chiqdi. Bir soatu 42 daqiqa davom etgan bahsda dunyoning 11-raketkasi bo'lib turgan Arina g'alaba qozondi - 7/5, 6/3.

Uchrashuv davomida 22 yoshli Sobolenko ham, reytingning 21-pog'onasidan joy olib turgan 24 yashar Mertens ham 3 tadan eys zarbani amalga oshirdi. Belaruslik tennis malikasi o'zaro uchrashuvlardagi hisobni yiriklashtirdi - 4:2.

Upper Austria Ladies Linz turniridagi muvaffaqiyatli ishtirok Sobolenkoga 20,161 dollar mukofot puli hamda 280 reyting ochkosini taqdim etdi. Bu uning faoliyatidagi sakkizinchi sovrini bo'ldi.