04 iyu 08:46
Yangiliklar

Tennis

Arina Sobolenko "Rolan Garros" 1/4 finaliga chiqdi

Sayyoramizning ikkinchi raketkasi Arina Sobolenko "Katta Dubulg'a" turkumiga kiruvchi Franciya Ochiq chempionatining chorak final ishtirokchisiga aylandi.

Belaruslik tennis malikasi 1/8 finalda WTA reytingida 24-o'rinni egallab turgan amerikalik Emma Navarroni ortiqcha qiyinchiliksiz mag'lubiyatga uchratdi - 6/2, 6/3. Arina bu g'alabasi bilan tennischilar o'rtasidagi hisob muvozanatini ham tiklab qo'ydi.

Etmish bir daqiqa davom etgan bahsda Sobolenko 7, Navarro 4 ta eys zarbasini amalga oshirgan. Arina 4 ta breykka erishgan holda qo'shxatoga yo'l qo'ymadi. Belaruslik tennischi qatorasiga ettinchi bor "Katta Dubulg'a" turnirlarining 1/4 finaliga chiqdi.