Arina Sobolenko WTA Yakuniy turniri finaliga chiqa olmadi

Belaruslik tennis malikasi 1 soatu 50 daqiqa davom etgan yarim final bahsida WTA reytingida uchinchi o'rinni egallab turgan amerikalik Koko Goffga 6/7(4), 3/6 hisobida imkoniyatni boy berib qo'ydi. Tennischilarning o'zaro to'qqizinchi uchrashuviga kelib, 20 yoshli Goff hisobda oldinga chiqib oldi - 5:4. 

Uchrashuv statistikasi:

Arina Sobolenko - eys yo'q, 3 ta qo'shxato, 4 ta breyk

Koko Goff - 3 ta eys, 2 ta qo'shxato, 6 ta breyk

Belaruslik tennischi 2022 yildan beri ilk bor ketma-ket ikkita uchrashuvda mag'lubiyatga uchradi. Goff - birinchi va ikkinchi raketkalarni mag'lub etgan eng yosh tennischi sifatida 2002 yildan beri saqlanib kelayotgan rekordni yangiladi. Koko faoliyatida ilk bor WTA Finals finalida o'ynaydi. U bosh sovrin uchun dunyoning ettinchi raketkasi xitoylik CHjen Cinvenga qarshi kortga chiqadi.