Arina Sobolenkoning yurishi davom etadi

Dunyoning o'ninchi raketkasi bo'lib turgan belaruslik Arina Sobolenko musobaqadagi ikkinchi g'alabasini tantana qildi. U ikkinchi davra uchrashuvida reytingning 68-pog'onasidan joy olgan avstraliyalik Ayla Tomlyanovichdan ustun keldi - 7/5, 6/4.

Roppa-rosa 100 daqiqa davom etgan bahsda 22 yoshli Arina 4 ta, 27 yashar Tomlyanovich esa 3 ta eys zarbani amalga oshirdi. O'zaro uchrashuvlarda belaruslik tennis malikasi hisobni yiriklashtirdi - 3:1. Endi u 1/8 finalda tunislik Ons Jaberga qarshi kortga chiqadi.