Armen Bagdasarov O'zbekiston dzyudo federaciyasida vaqtincha rais vazifasini bajaradi

Unda O'zbekiston Milliy olimpiya qo'mitasi Prezidenti Umid Ahmadjonov, Jismoniy tarbiya va sport vaziri SHoakrom Isroilov, shuningdek, O'zbekiston dzyudo federaciyasi mutasaddilari ishtirok etishdi.
Sir emaski, o'zbekistonlik dzyudochilar Olimpiya va Osiyo o'yinlari, qita va jahon chempionatlari, xalqaro musobaqalarda muvaffaqiyatli ishtirok etib keladilar. Oldinda muhim musobaqa - Indoneziyada bo'lib o'tadigan Osiyo o'yinlari bizni kutib turibdi. O'zbekiston dzyudo federaciyasi raisining  birinchi o'rinbosari SHavkat Mo'minov boshqa ishga o'tgani munosabati bilan tashkilotga yangi rahbar saylanishi lozim edi. Yig'ilish kun tartibidan o'rin olgan eng asosiy masala shu bo'ldi.

Yig'ilish qatnashchilarining taklif va mulohazalari, fikrlari inobatga olinib, O'zbekiston dzyudo federaciyasiga Olimpiya o'yinlari sovrindori, O'zbekistonda xizmat ko'rsatgan sportchi Armen Bagdasarov vaqtinchalik rais vazifasini bajaruvchi etib saylandi.  

SHuningdek, konferenciya davomida Farxod To'raev O'zbekiston milliy terma jamoasiga vaqtinchalik bosh murabbiy etib tayinlanib, sportchilarimizni bevosita Osiyo o'yinlariga tayyorlaydigan bo'ldi.

Hisobot-saylov konferenciyasida federaciyaning yangi rahbari oldiga bir qator vazifalar belgilab berildi. Jumladan, Osiyo o'yinlarida natijalar samaradorligini oshirish, dzyudoning ommaviyligini yanada ko'tarish, bu borada sportning ushbu turi ommaviyligini kerak bo'lsa futboldan ham oshirish asosiy vazifa qilib belgilandi.

Unga ko'ra, yaqin vaqt ichida mamlakatimizda dzyudoni rivojlantirish strategiyasi ishlab chiqiladi. Yangi rahbariyat oldiga Respublikamiz bo'ylab selekciya ishlarini kuchaytirish, jismoniy baquvvat yoshlarni topib, ularni yangi nom sifatida terma jamoaga tayyorlab berish vazifasi qo'yildi. Bugungi kunda olib borilayotgan siyosatga monand, dzyudo ham aholi orasida eng quyi bo'g'indan, yani maktabgacha talim muassasasidan boshlab rivojlantiriladi.