"Arsenal" va "Barselona" germaniyalik futbolchi uchun kurashmoqda

Ikki klub ham bu yil yozda erkin agentga aylanadigan o'yinchi vaziyatini kuzatmoqda. Bu haqda Sky Sport Germany xabar berdi.

"Borussiya"da etti yil o'ynagandan so'ng Brandt keyingi qadamni qo'yishni rejalashtirmoqda va Ispaniya, Italiya hamda Buyuk Britaniyani karerasini davom ettirish uchun mumkin bo'lgan yo'nalishlar sifatida ko'rib chiqmoqda.

Hozirda klublar bilan aniq muzokaralar olib borilmayapti. Qayd etish joizki, Brandt qishgi transfer oynasida Angliya Premer-ligasi klublaridan ikkita taklif olgan, biroq u mavsumni "Borussiya" safida tugatishni xohlagani uchun ularni rad etgan.

Joriy mavsumda Brandt barcha turnirlarda 32 ta o'yin o'tkazib, 10 ta gol urdi va 3 ta golli uzatma berdi. Transfermarkt malumotlariga ko'ra, yarim himoyachining narxi 20 million evro.