Magnus Karlsen: "Abdusattorov bilan mashg'ulotlar meni reallikka qaytardi"

Bu fikrlar 7 noyabr kuni YUNISEF uchun mablag' yig'ishga bag'ishlangan xayriya strimida aytildi. Efir paytida Karlsen strimerlar va xayriya qilgan ishtirokchilar bilan shaxmat o'ynab, savollarga javob berdi.

Nodirbek bilan mashg'ulotlar

Karlsen internetda ko'p partiyalarni shunchaki vaqt o'tkazish uchun o'ynashini aytdi. Uning fikricha, bunday o'yinlar bazi yomon odatlarni shakllantirishi mumkin. Abdusattorov bilan mashg'ulotlar esa unga bu odatlardan xalos bo'lishga yordam bergan.

«Dunyoning eng kuchli shaxmatchilaridan biri bilan o'ynasang, biroz reallikka qaytasan», — dedi Karlsen.

Ularning hamkorligi tasodifan boshlanganini aytgan Karlsen Nodirbek haqida iliq fikr bildirdi. SHaxmatchining so'zlariga ko'ra, o'g'li ham Abdusattorovni juda yoqtirgan va ular o'rtasida yaqin munosabat shakllangan.

Turkiyadagi jahon chempionatida qatnashadimi?

Rapid va blic shaxmat bo'yicha Jahon chempionatida ishtirok etish haqidagi savolga Karlsen hozircha aniq javob bermadi.

U musobaqaning Turkiyada o'tkazilishi avval muhokama qilingan boshqa manzillarga qaraganda o'ziga qulayroq ekanini takidladi. Bu esa ishtirok etish ehtimolini oshiradi. Biroq yakuniy qaror hali qabul qilinmagan.

Total Chess musobaqasi haqida

Yangi musobaqani intiqlik bilan kutayotgani so'ralganda, Karlsen dastlab hozir shaxmat o'ynashga unchalik qiziqmayotganini aytib, hazil qildi.

Keyin u Total Chess formatiga qiziqish bildirdi. Musobaqada qatnashish biroz hayajon va tashvish uyg'otishini aytgan bo'lsa-da, vaqti-vaqti bilan bir nechta partiya o'ynab turish yaxshi ekanini qo'shimcha qildi.

Yurish tanlashda intuiciyaning o'rni

Karlsen intuiciya va aniq hisob-kitob nisbatini taxminan 90 ga 10 deb baholadi. U bu raqamlar shaxsiy taxmini ekanini takidladi.

SHaxmatchining aytishicha, odatda xayoliga kelgan bitta yurishni tekshiradi. Bazan ikki yoki uchta nomzod yurishni ko'rib chiqadi. Agar bundan ko'proq variantni tahlil qilish kerak bo'lsa, ko'pincha poziciyasida muammo bo'ladi.

Bu erda gap necha yurish oldinni hisoblash haqida emas, balki tanlash uchun nechta yurishni ko'rib chiqish haqida ketmoqda.

London tizimiga munosabati

Karlsenning fikricha, London sistemasidan foydalanish o'yinchining saviyasiga bog'liq. Yuqori darajada moslashuvchanlik muhim bo'lsa, quyiroq saviyada bu tizim tayyor reja sifatida qo'l kelishi mumkin.

U London sistemasini turli piyoda tuzilmalari va poziciyalarga olib keladigan, imkoniyatlari keng debyut sifatida tarifladi. Nazariyaning rivojlanishi tufayli yuqori saviyada uning yangilik jihati biroz kamaygan.

SHunga qaramay, Karlsen shaxmat taraqqiy etgani sayin italyancha partiya va London sistemasi avval o'ylanganidek bezarar hamda biryoqlama emasligi ayon bo'layotganini aytdi.