22 okt 15:54
Yangiliklar

Boks/MMA

Aselino Freytas faoliyatidagi so'nggi jangini o'tkazadi

Ikki vazn toifasida sobiq jahon chempioni Aselino Freytas professional boksdagi so'nggi jangini o'tkazishini malum qildi.

Braziliyalik 42 yoshli bokschining xayrlashuv jangi 11 noyabr kuni o'z vatanida o'tkaziladi. U faoliyatidagi so'nggi jangida meksikalik 30 yoshli Gabriel Martinesga qarshi ringga ko'tariladi.

Aslida Freytas 2007 yili qo'lqoplarini mixga ilgan, lekin keyinchalik ikki bor faoliyatini qayta tiklagandi. 2012 yili u 22 yoshli hamyurti Maykl Oliveyraning chaqiruviga binoan ringga qaytgan va raqibiga ilk mag'lubiyatni taqdim etgandi. 2015 yilda esa u Mateo Verondan ustun kelgan.