ATP Yakuniy turnir. Nadal uchun tatimagan g'alaba

Dunyoning ikkinchi raketkasi Rafael Nadal guruh bosqichining uchinchi turiga kelibgina ilk va shu bilan birga turnirdagi oxirgi g'alabasini qo'lga kiritdi. Ispaniyalik tennischi reytingda o'zidan ikki pog'ona quyida borayotgan norvegiyalik Kasper Ruudni ikki setda ham bir xis hisobda mag'lubiyatga uchratdi - 7/5, 7/5. 

Lekin bu g'alaba Nadal uchun ATP Yakuniy turnirining yarim finaliga chiqish uchun kamlik qildi. Guruh bosqichidagi ikki mag'lubiyat Rafaga qimmatga tushdi. Nadal aksincha ikki g'alaba bilan muddatidan avval pley-off yo'llanmasini qo'lga kiritib ulgurgan Ruudga qarshi uchrashuvda 16 ta eys zarbasini amalga oshirgan.