ATR Yakuniy turniri. Medvedev Novak Jokovichni mag'lub etdi

Guruh bosqichining ikkinchi turida kutilmagan natija qayd etildi. Rossiyalik tennischi, ATR reytingida 4-pog'onadan joy olib turgan Daniil Medvedev dunyoning birinchi raketkasi, serbiyalik Novak Jokovichni mag'lub etishning uddasidan chiqdi - 6/3, 6/3.

Bir soatu 21 daqiqa davom etgan bahsda 24 yoshli Daniil 10 ta, 33 yashar Novak esa 3 ta eys zarbasini amalga oshirdi. Medvedev ushbu g'alabasi evaziga o'zaro uchrashuvlardagi hisob muvozanatini ham tikladi - 3:3. Rossiyalik tennischi ketma-ket ikkita g'alabasi sabab muddatidan avval 1/2 finalga yo'l oldi.