"Avvaliga to'nashmoqchi edi, yakunda choychaqa tashlab ketishdi". Zarrux Adashev Nyu-Yorkda taksichilik qilgani haqida gapirdi

U 2012 yilda AQSHga ko'chib borgan. 

"Bir safar meni to'nashmoqchi bo'lishgan, yakunda esa belgilangan puldan ham ko'proq tashlab ketishgan. SHunday bo'lgandi: Men xavfli, bezorilar yashaydigan joyga borib qoldim. Odatda haydovchilar shunday deyishardi: "Yaxshisi u erga borganda dasturni o'chirib qo'y va u erdan jo'nab qol".

Menga mijozlar chiqishdi: "O'zim bilan olaman, pul bo'ladi". Ular ko'cha yigitlari ekanligi ko'rinib turgandi. Mashinaga chiqqandan so'ng bepul etib olmoqchi bo'lishdi va hisoblagichni o'chirib qo'yishimni istashdi. Tahdid qila boshlashdi. Men sportchi bo'lsamda, ozgina qo'rquv bo'ldi. Ahir begona joyda bir o'zimman. Men qo'limga telefonni oldim va mashinadan tushib qo'ng'iroq qila boshladim. Ular esa "To'xta-to'xta, hisoblagichni o'chirish shart emas" deyishdi. Biz yana yo'lda davom etdik. 

Menda doimo suratlarim ilingan kartochka bo'lardi va uni mashinaning ko'rinadigan joyiga ilib qo'ygandim. Doimo zal ochishni orzu qilardim va shu orqali mijozlarni ham shug'ullanishga taklif qilishni istardim. Zal ochish rejasi doim bo'lgan. 

Yo'lovchilardan biri so'radi: "Sening suratingmi? Jang qilasanmi?". SHunda men jang qilishimni aytdim va o'z janglarim haqida gapirib berdim. Ular esa UFC tomosha qilishar ekan. SHunda so'rashdi: "Jon Jonsni bilasanmi? U mening eng sevimli sportchim". Ularni manzilga etkazib qo'ydim. Pulni berishdi va qo'shimcha 20 dollar choychaqa ham tashlab ketishdi",-dedi Adashev "Sport-Ekspress"ga bergan intervyusida.