Ayollar kurashida tarixdagi ilk yo'llanmamizni qo'lga kiritgan Aktenge Keunimjaeva Olimpiadada kimlar bilan raqobatlashadi? (Barcha tafsilotlar)

Musobaqada O'zbekiston delegaciyasi, jumladan sport kurashlari bo'yicha terma jamoamiz ham ishtirok etadi. Olimpiadada 3 nafar erkin kurashchimiz, 3 nafar yunon-rim kurashchimiz va yagona ayol kurashchimiz gilamga chiqadi.

Olamsport.com Birlashgan kurash dunyosi (UWW) tasdiqlagan ro'yxatga ko'ra sportchilarimizga turnir doirasida kimlar raqib bo'lishi haqida malumot berib boradi.

O'tgan sonlarda erkin kurashchilarimiz G'ulomjon Abdullaev, Razambek Jamalov va Javrail SHapievning bo'lajak raqiblari haqida so'z yuritgan edik.

Bugungi sonimizda ayollar kurashida O'zbekiston uchun yozgi Olimpiadalar tarixidagi birinchi licenziyani taqdim etgan Aktenge Keunimjaeva haqida so'z boradi.

Tabiiyki, Parij Olimpiadasi Aktenge uchun ham faoliyatidagi debyut Olimpiada hisoblanadi. U to'rt yillikning eng muhim musobaqasida 50 kg vazn toifasida bahs olib boradi. Aktengening Parijdagi chiqishi 6-7 avgust kunlariga to'g'ri keladi.

Aktenge Keunimjaevaga Olimpiadada quyidagi ayol kurashchilar raqiblik qilishi mumkin:

Sara Xilderbrandt (AQSH)

Ibtissem Dudu (Jazoir)

Mariya Stadnik (Ozarbayjon)

Ziki Feng (Xitoy)

Alisson Cardozo Rey (Xitoy)

Yusnelis Guzman (Kuba)

Nada Mohamed (Misr)

Anastasiya Blay (Germaniya)

Vinesh (Hindiston)

Yuyi Susaki (Yaponiya)

Gabija Dilayte (Litva)

Otgonjargal Dolgorjav (Mo'g'uliston)

Son Xyang Kim (KXDR)

Evin Demirxan (Turkiya)

Oksana Livach (Ukraina).

Vaznning Olimpiadadagi amaldagi g'olibasi yaponiyalik tajribali Yuyi Susakidir. SHuningdek, ozarbayjonlik Mariya Stadnik va AQSH vakilasi Sara Xilderbrandt Tokio-2020 o'yinlarida bronza medallarini qo'lga kiritganini takidlash lozim.

Aktengening shaxsiy natijalariga keladigan bo'lsak, u uch karra Osiyo chempionati sovrindori, Osiyo o'yinlarining bronza, Islom birdamlik o'yinlarining kumush medali sohibasi hisoblanadi.