Barti tennis tarixidagi rekord miqdordagi mukofot puliga ega bo'ldi

Dunyoning birinchi raqamli tennis malikasi kecha Xitoyning SHenchjen shahrida yakuniga etgan Yakuniy WTA turnirida bosh sovrin sohibasiga aylangan edi. Barti final uchrashuvida o'tgan yilgi chempion, ukrainalik Elina Svitolinani mag'lub etgandi.

Eshli turnirda jami 5 ta uchrashuv o'tkazdi va ushbu musobaqadagi ishtirokidan umumiy 4 million 420 ming dollar mukofot puli ishlab oldi. Bu tennis tarixidagi rekord mukofot puli hisoblanadi. Elina Svitolina esa 2,4 million dollarga ega bo'ldi. Yakuniy WTA turnirining umumiy mukofot jamg'armasi 14 million dollarni tashkil etgandi.