Bektemir Meliqo'ziev Las-Vegasda navbatdagi jangini o'tkazdi + FOTO

Mazkur bahsda hamyurtimizga amerikalik Kley Kollard raqiblik qildi. 8 raundga mo'ljallangan jang to'rtinchi raundda yakuniga etdi. Bektemir to'rtinchi raundda ketma-ket zarbalari evaziga raqibini yiqitdi va hakam jangni yakunladi. 

SHu tariqa, Bektemir prof boksdagi uchinchi jangini ham nokaut evaziga o'z foydasiga hal qildi. Kollard esa to'qqizinchi jangida ikkinchi mag'lubiyatini qabul qildi. Qayd etish lozimki, u bungacha nokaut evaziga mag'lub bo'lmagandi. U faoliyati davomida 4 ta g'alaba (1 ta nokaut), 2 ta mag'lubiyat va 3 ta durang qayd etgan.