Bilolbek Mirzarahimov Xabarovskda shohsupaga ko'tarildi

Hozirgina -69 kg vazn toifasida musobaqada ishtirok etgan bokschimiz Bilolbek Mirzarahimov rossiyalik Ivan Stupinga qarshi final jangini yakunladi. Bokschimiz jang davomida to'liq ustunlikka erishdi. Uchinchi raundga kelib ketma-ket o'tkazib yuborilgan zarbalar evaziga rossiyalik bokschi jarohat oldi va jang to'xtatildi. Yakunda Bilolbek g'alaba qozonib, musobaqa oltin medaliga ega chiqdi. 

Eslatib o'tamiz, avvalroq -52 kg vaznli bokschimiz Abrorjon Qodirov oltin medalga ega chiqqandi. 

Birozdan so'ng +91 kg vazn toifasda yana bir yurtdoshimiz Lazizbek Mullajonov final jangini o'tkazadi.