Bir guruh jismoniy tarbiya va sport mutaxassislari mukofotlandi

Farmonga ko'ra, mamlakatimizda talim tizimini rivojlantirish, sohaga doir islohotlarni muvaffaqiyatli amalga oshirish, yoshlarga ilm-fan asoslari va zamonaviy kasb-hunarlarni o'rgatish yo'lidagi ko'p yillik samarali mehnati, ularni ona Vatanga muhabbat, istiqlol g'oyalariga sadoqat ruhida tarbiyalash, jismoniy va manaviy jihatdan barkamol avlodni shakllantirish borasidagi katta xizmatlari hamda ijtimoiy hayotdagi faol ishtiroki uchun faxriy unvonlar berilishi belgilab qo'yilgan.

Quvonarlisi, yuksak davlat mukofotlariga sazovor bo'lgan yurtdoshlarimiz qatorida bir guruh jismoniy tarbiya va sport sohasida faoliyat olib borayotgan mutaxassislarimiz ham bor.

«O'zbekiston Respublikasida xizmat ko'rsatgan sport ustozi»:

Abunasova Roziya To'raevna – Peshku tumanidagi bolalar va o'smirlar sport maktabining badiiy gimnastika bo'yicha murabbiyi, Buxoro viloyati;

Xolodova Natalya Yurevna – Surxondaryo viloyati ixtisoslashtirilgan bolalar va o'smirlar sport maktabining engil atletika bo'yicha murabbiyi;

II darajali «Sog'lom avlod uchun» ordeni bilan:

Ilov Aslan Nurovich – O'zbekiston davlat jismoniy tarbiya va sport universitetining xalqaro kurash turlari nazariyasi va uslubiyati kafedrasi professori;

Ochilov SHuxrat Saidovich – Buxoro tumanidagi bolalar va o'smirlar sport maktabi direktori, Buxoro viloyati;

«Do'stlik» ordeni bilan:

Ashurov Qahramonjon Xayidboevich – So'x tumanidagi 15-umumiy o'rta talim maktabining jismoniy tarbiya fani o'qituvchisi, Farg'ona viloyati;

Vlasova Liliya Vildanovna – Gimnastika bo'yicha Respublika oliy sport mahorati maktabining badiiy gimnastika bo'yicha murabbiyi;

CHashemov Mansurbek Xalbaevich – Qoraqalpog'iston Respublikasi ixtisoslashtirilgan bolalar va o'smirlar sport maktabining og'ir atletika bo'yicha murabbiyi;

«SHuhrat» medali bilan:

Rasulov Baxram Narimanovich – Andijon ixtisoslashtirilgan olimpiya zaxiralari maktab-internatining sambo kurashi bo'yicha murabbiyi, Andijon viloyati.

Biz barcha mukofotlanganlarni O'zbekiston Respublikasi Jismoniy tarbiya va sport vazirligi nomidan samimiy muborakbod etgan holda masuliyatli, shu bilan birga sharafli kasbida hamisha omad va zafarlar yor bo'lishini tilab qolamiz.

Jismoniy tarbiya va sport vazirligi Matbuot xizmati