12 sen 08:44
Yangiliklar
Boks. Bir necha kundan keyin Jamshid jahon chempioniga qarshi jang qiladi
Mazkur jang kechasida hamyurtimiz 63.5 kg vazn toifasida faoliyat olib borayotgan Jamshid Najmiddinov WBC yo'nalishining sobiq chempioni mezbonlar vakili Viktor Postolga qarshi ringa ko'tariladi. Ushbu kunga qadar “Temurlang” promouterlik klubi shafeligida janglarda ishtirok etayotgan hamyurtimiz Jamshid Najmiddinov professional boksda 14 marotaba jang o'tkazgan va barchasida zafar quchgan, 9 tasida raqiblarini nokautga uchratgan. Qolaversa,63.5 kg vazn toifasida AFCA kamarining amaldagi soxibi sanaladi. “Temurlang” promouterlik klubi raxbari Xusrav Nasrullaev garchi, raqib juda kuchli ekanligi va mezbonlik faktori ham borligiga qaramay, hamyurtimiz jobiy natijani qayd eta olishiga umid bildirmoqda. Eslatib o'tamiz: Jamshid Najmiddinov 1991 yil 31 martda Andijon viloyati Paxtaobod tumanida tavallud topgan.
SHu o'rinda uning raqibi Viktor Postol haqida ham to'xtalib o'tishni lozim topdik. Ukrainalik bokschi boks olamida juda mashhur bo'lib, 2015-2016 yillar mobaynida WBC yo'nalishida chempionlik titulini ximoya qilib kelgan 2016 yil 23-iyulda Trensi Krouford bilan bo'lgan jangda mag'lubiyatga uchrab chempionlik kamaridan maxrum bo'lgan edi. Ushbu mag'lubiyat faoliyatidagi yagonasidir.
Fikrlar