Bokschilarimiz navbatdagi onlayn mashg'ulotni o'tkazishdi

Bokschilarimiz murabbiylar shtabi ko'rsatmalariga asosan mashg'ulotlarni olib borishdi. O'zbekiston boks federaciyasi raisining birinchi o'rinbosari Saken Polatov karantin vaqtida bokschilarimiz nimalar bilan band ekanligi, qanday sharoitlarda mashg'ulotlar o'tkazayotganliklari haqida tushuntirib berdi. 

Onlayn mashg'ulotni kuzatib borgan Milliy olimpiya qo'mitasi prezidenti Rustam SHoabdurahmonov sportchilarimiz uchun tegishli tavsiyalarni berdi. Bundan tashqari, mana shunday sharoitda mashg'ulotlarni to'xtatmay, shug'ullanishda davom etayotganliklari uchun sportchi va murabbiylarimizga, faoliyatini davom ettirayotgan, ushbu onlayn mashg'ulotni tashkil etishda jonbozlik ko'rsatgan O'zbekiston boks federaciyasiga minnatdorchilik bildirdi. 

"Kimda qanday muammolar, savollar bo'lsa ko'rib chiqishga tayyormiz. To'xtab qolmasligimiz kerak. Ayni paytda butun dunyoda bir hil sharoit yuzaga kelgan. Nasib qilsa, vaziyat joyiga tushganidan so'ng O'zbekistonda yuqori saviyadagi ichki musobaqalar tashkil etamiz", - dedi Rustam SHoabdurahmonov.

O'zbekiston boks federaciyasi matbuot xizmati