Bokschilarimizda g'alaba, Bobonovda sensacion mag'lubiyat va boshqa natijalar (5-kun yakunlari)

Kun davomida quyidagi sportchilarimiz bahslarda ishtirok etishdi: 

Akademik eshkak eshish. Engil vaznli qayiqlar, juftlik. SHahzod Nurmatov/Sobir Safaraliev - S finalda o'z guruhida  3-bo'lib marraga keldi. Yigitlarimiz Olimpiadani umumiy hisobda 15-o'rinda yakunlashdi. 

Dzyudo. Davlat Bobonov (-90 kg) - ilk bosqichda Aram Grigoryanga mag'lub bo'ldi.

Dzyudo. Gulnoza Matniyazova (-70 kg) - birinchi bosqichda KXDR vakilasini mag'lub etdi, ikkinchi bosqichda yaponiyalik raqibga mag'lub bo'ldi.

Boks. Abdumalik Xalokov - Nebil Ibrahim (SHveciya) (-57 kg) - Abdumalik Xalokov 5:0 hisobida g'alaba qozondi.

Kamondan otish. Amirxon Sodiqov - 1/32 finalda argentinalik raqibni 6:2 hisobida mag'lub etdi, 1/16 finalda Olimpiada chempioni hisoblangan italiyalik raqibga 4:6 hisobida yutqazdi. 

Kamondan otish. Ziyodaxon Abdusattorova - 1/32 finalda chexiyalik raqibasiga 2:6 hisobida mag'lub bo'ldi.

Boks. Asadxo'ja Mo'ydinxo'jaev - Muhamed Al Avadi (Misr) (-71 kg) - Asadxo'ja Mo'ydinxo'jaev 5:0 hisobida g'alaba qozondi.

Ushbu sahifa orqali o'zbekistonlik sportchilarning qayd etayotgan natijalaridan xabardor bo'lib turishingiz mumkin bo'ldi.

SAHIFANI YANGILASH

19:37. Asadxo'ja Mo'ydinxo'jaev misrlik raqibini 5:0 hisobida mag'lub etdi va chorak finalga yo'l oldi!

18:25. Ziyodaxon Abdusattorova 1/32 finalda chexiyalik raqibasiga 2:6 hisobida yutqazdi. Afsus...

17:31. Kamondan otish. Amirxon Sodiqov London Olimpiadasi chempioni, Tokio Olimpiadasi kumush medali sohibi hisoblangan italiyalik Mauro Nespoliga qarshi bahsda 4:6 hisobida yutqazdi. Sportchimiz bahsni juda yaxshi boshlagandi. Afsuski yakunda italiyalik mergan tajriba evaziga vaziyatni o'z tomoniga og'dirib ketdi... Exxx...

16:44. Endi Amirxon Sodiqov 17:10 dan so'ng 1/16 finalda italiyalik Mauro Nespoliga qarshi bahs olib boradi.

16:35. Kamondan otish. Amirxon Sodiqov argentinalik raqibini 6:2 hisobida mag'lubiyatga uchratdi va 1/16 finalga yo'l oldi!

16:23. Amirxon Sodiqov o'z ishtirokini boshlamoqda.

15:15. Kamondan otish bahslari boshlandi. Amirxon Sodiqov argentinalik raqibga qarshi ishtirokini 16:15 dan so'ng boshlandi. Ziyodaxon Abdusattorova esa 18:00dan so'ng chexiyalik sportchi bilan bahs olib boradi. 

14:38. Davlat Bobonov ilk bosqichda BAA vakiliga imkoniyatni boy berdi.

14:25. Gulnoza Matniyazova 1/8 finalda yaponiyalik raqibasiga imkoniyatni boy berdi.

14:14. Abdumalik Xalovokv shveciyalik raqibini chiroyli tarzda mag'lub etdi va chorak finalga yo'l oldi!

13:30. -70 kg vaznli dzyudochimiz Gulnoza Matniyazova Parij Olimpiadasidagi ilk jangini KXDR vakilasiga qarshi o'tkazdi va g'alaba qozondi. Raqiba taqiqlangan usulni amalga oshirgani uchun chetlatildi va g'alaba sportchimizga berildi.

12:49. Akademik eshkak eshish. SHahzod Nurmatov va Sobir Safaraliev C finalda ishtirok etib, 6:31.33 daqiqa ko'rsatishdi va marraga 3-bo'lib etib kelishdi. Ushbu natija orqali ular Olimpiadani 15-o'rinda tugatishdi.