Boku. 2 bokschimizda bronza, bugun 8 nafar hamyurtimiz finalda ringga chiqadi

Kecha turnir doirasida yarim final janglari bo'lib o'tdi. Unda ringga ko'tarilgan bokschilarimizning 8 nafari g'alaba qozondi va finalga yo'l oldi. Ikki bokschimiz esa imkoniyatni boy berib qo'ydi va bronza medalini qo'lga kiritdi. 

Bugun final doirasida Humoyunmirzo Abdurasulov (-35,5 kg), Hojiakbar Mahmudov (-38,5 kg), Farrux To'laganov (-40 kg), Jamoliddiin Xoliqov (-41,5 kg), Lazizbek To'lqinov (-50 kg), Dalerjon Bozorov (-52 kg), Jahongir Narziev (-57 kg), Abdulaziz Abdurahmonov (-59 kg) kabi yosh bokschilarimiz ringga ko'tariladilar. 

54-kg vazndagi Jasurbek Mo'minov ozarbayjonlik raqibiga imkoniyatni boy berdi, -46 kg vazn toifasidagi Boburbek Bobojonov ham yarim finalda mezbon sportchi Ravan Xachievga yutqazib qo'ydi va bronza medaliga sazovor bo'ldi. Eslatib o'tamiz, bokschilarimiz musobaqada murabbiylar SHerzod Abdurahmonov va Sirojiddin Adinaev qo'l ostida ishtirok etishmoqda.

Final janglari Toshkent vaqti bilan soat 16:00 dan so'ng boshlanadi. 

Boks haqidagi eng so'nggi yangiliklarni TELEGRAM orqali kuzatib boring!

O'zbekiston boks federaciyasi matbuot xizmati