Boss Open turniri bosh sovrini Italiyaga ketdi

Hal qiluvchi final uchrashuvida dunyoning 10-raketkasi bo'lib turgan italiyalik Matteo Berrettini ATP reytingining 68-pog'onasidan joy olib turgan britaniyalik Endi Marreyga qarshi kortga chiqdi. 

Bir yuz oltmish daqiqa davom etgan bahsda Matteo tajribali raqibini 6/3, 5/7, 6/3 hisobida mag'lub etib, SHtutgart turniri chempioniga aylandi. 26 yoshli Matteo 19, 35 yoshli Endi esa 7 ta eys zarbani amalga oshirgan. Tennischilarning o'zaro uchrashuvlarida italiyalik hisobda oldinga chiqib oldi - 2:1.

Boss Open turniridagi muvaffaqiyatli ishtirok Berrettiniga 250 reytingov ochkosi hamda €105,290 evro mukofot puli keltirdi. Bu Matteoning faoliyatidagi oltinchi, maysa qoplamali kortdagi uchinchi sovrini bo'ldi. U 2019 yilgi SHtutgart turnirida ham bosh sovrinni qo'lga kiritgan edi.