02 dek 10:12
Yangiliklar

Tennis

Buenos-Ayres (WTA 125). Mayar SHerif bosh sovrin sohibasi

Argentina poytaxti Buenos-Ayres shahrida tennis bo'yicha WTA 125 toifasiga kiruvchi turnir yakunlandi.

Finalgacha WTA reytingida roppa-rosa 100-o'rinni egallab turgan Mayar SHerif musobaqa bosh sovrinini qo'lga kiritdi. Misrlik tennis malikasi final uchrashuvida dunyoning 57-raketkasi polshalik Katarjina Kavani 6/3, 4/6, 6/4 hisobida taslim etdi.

SHerif Kavaga noqulay raqib bo'lib qolmoqda. Tennischilarning o'zaro uchrashuvlaridagi hisob yiriklashdi - 3:0. Ikki soatu 28 daqiqa davom etgan bahsda SHerif 4 ta eys, 7 ta breyk qayd etib, 3 ta qo'shxatoga yo'l qo'ydi.

Qizig'i, bu SHerifning 2024 yilda qo'lga kiritgan birinchi sovrini bo'ldi. U Argentina turniridagi muvaffaqiyatli ishtirokidan 125 reyting ochkosi hamda 12,220 dollar mukofot puli ishlab oldi.