Buenos-Ayres yo'lida: Suzuvchilarimiz reyting musobaqasida sovrindor bo'lishdi

III o'smirlar Olimpiya o'yinlariga yo'llanma qo'lga kiritish uchun reyting ballari o'ynaladigan ushbu turnirda o'zbekistonlik suzuvchilar ham ishtirok etishmoqda. Musobaqada Latviya, Litva, Estoniya, Belorus, Rossiya, Ukraina, Moldova, Germaniya kabi mamlakat sportchilari ham startga chiqishmoqda.

Quvonarlisi, 50 metrga erkin usulda suzish bahslarida Xurshidjon Tursunov birinchi, Muhammadjon Abdijalilov uchinchi o'rinni egalladi. 100 metrga brass usulida suzish yo'nalishida Vladislav Mustafin birinchi o'rinni band etgan bo'lsa, ayollar o'rtasida Bibigul Minlibaeva ikkinchi bo'lib finishga etib keldi.

Ushbu muvaffaqiyat tufayli suzuvchilarimiz Buenos-Ayres licenziyasi uchun muhim bo'lgan reyting ochkolarini ishlab oldilar. Bundan tashqari, mazkur musobaqa sportchilarimiz uchun Indoneziyada o'tkaziladigan Osiyo o'yinlariga tayyorgarlikning muhim bosqichlaridan biri hisoblanadi.