Bugun 5 nafar dzyudochimiz Marokash Gran-Prisida ishtirok etadi

Vakillarimizning kechagi muvaffaqiyatli ishtirokidan keyin bugun tatamiga chiqadigan polvonlarimizdan ham yuqori natijalar kutib qolamiz.

Reglamentga ko'ra, bugun o'rta vazn toifalarida bahslar o'tkazilib, ushbu kun doirasida 5 nafar dzyudochimiz g'oliblik uchun kurashga kirishadilar. -73 kg vazn toifasida Hikmatillo To'raev va G'iyosjon Boboev, -81 kg. vazn toifasida SHarofiddin Boltaboev, -63 kgda Hojiniso Komoldinova hamda -70 kgda Muhayyo Ibragimova yurtimiz sharafini himoya qiladi.

Eslatib o'tamiz, birinchi kun bellashuvlaridan keyin vakillarimiz 2 ta oltin medali bilan umumjamoa hisobida birinchi o'rinda ketishmoqda.