Bugun Berlinda boshlanadigan turnirga qura tashlandi

Bett1 Aces turniri chim qoplamali kortda o'tkazilib, unda dunyoning ko'zga ko'ringan tennischilari o'zaro bahs olib boradi. Dunyoning uchinchi raketkasi, avstriyalik Dominik Tim hamda italiyalik Matteo Berrettini yarim finaldan bahslarga kirishishadi. 

Tim final ostonasida germaniyalik Tommi Xaas yoki italiyalik Yannik Sinner bilan to'qnash keladi. Berrettini esa ispaniyalik Roberto Bautista-Agut va germaniyalik Yan-Lennard SHtruff uchrashuvi g'olibi bilan uchrashadi.

Ayollar o'rtasidagi turnirda ukrainalik Elina Svitolina hamda niderlandiyalik Kiki Bertens 1/2 finaldan o'z ishtiroklarini boshlaydi. Svitolinaning raqibasi latviyalik Anastasiya Sevastova hamda germaniyalik Yuliya Gyorges uchrashuvidan so'ng aniqlanadi. Bertens esa chexiyalik Petra Kvitova yoki germaniyalik Andrea Petkovich bilan uchrashadi.