23 mar 11:13
Yangiliklar

Futbol

Bugun Dohada Qatar - O'zbekiston o'rtoqlik o'yini o'tkaziladi

Xabaringiz bor, O'zbekiston olimpiya terma jamoasi Qatarda navbatdagi o'quv-yig'in mashg'ulotini o'tkazmoqda.

Bugun Timur Kapadze shogirdlari Qatar olimpiya terma jamoasiga qarshi o'rtoqlik uchrashuvida maydonga tushadi. Ushbu o'yin Toshkent vaqti bilan soat 23:30 da "Abdulloh bin Xalifa" stadionida boshlanadi.

Eslatib o'tamiz, Parij Olimpiadasiga yo'llanma beruvchi U-23 Osiyo kubogi 15 apreldan 3 may sanasiga qadar aynan Qatar mamlakatida bo'lib o'tadi. O'zbekiston U-23 terma jamoasi "D" guruhida Vetnam, Kuvayt hamda Malayziyaga qarshi bahs olib boradi.