Bugun Jahon chempionatida opa-singil grossmeysterlarimiz ikki davlat bayrog'i ostida bir-birlariga qarshi o'ynashadi

Umumiy mukofot jamg'armasi 1 million AQSH dollarini tashkil etgan jahon birinchiligining uchinchi kuni rapid yo'nalishida erkaklar 10, ayollar esa 9-tur uchrashuvlari bilan bahslarni boshlashadi. 

Etiborga molik jihati shundaki, bugun ayollar o'rtasidagi musobaqaning 9-turida opa-singil grossmeysterlarimiz Nafisa Mo'minova va Gulruhbegim Tohirjonova ikki davlat bayrog'i ostida bir-birlariga qarshi dona surishadi. 

Gulruhbegim AQSH sharafini himoya qilib kelayotganidan xabaringiz bor, albatta. Har ikki shaxmatchi ham bugungi o'zaro uchrashuvlari oldidan 4 ochkoga ega bo'lib turishibdi. Singil bugun opasiga qarshi oq donalarda harakat qiladi. 

Bugungi o'zaro uchrashuv oldidan Nafisa Mo'minova qo'shimcha ko'rsatkichlarga ko'ra 40, Gulruhbegim Tohirjonova esa 57-o'rinni band etgan. 

Ayollar o'rtasidagi rapid musobaqasi. 9-tur

Gulruhbegim Tohirjonova (AQSH, 2326) - Nafisa Mo'minova (O'zbekiston, 2242)