10 noy 13:13
Yangiliklar

Tennis

Bugun Londonda ATP Yakuniy turniri start oladi

Bugun Buyuk Britaniyaning London shahrida tennis bo'yicha yilning Yakuniy ATP chempionati boshlanadi.

Turnirda yakkalik va juftlik reytingida kuchli sakkiztalikdan joy olgan raketka ustalari o'zaro bosh sovrin uchun kortga chiqishadi. Bugungi bahslarni juftlik uchrashuvi boshlab beradi.

Londondagi “O2 Arena”da Rajiv Ram va Jo Selisberi (AQSH/Buyuk Britaniya) - Raven Klaasen va Maykl Vinus (JAR/Yangi Zelandiya) uchrashuvi bo'lib o'tadi.

SHundan so'ng Novak Jokovich (Serbiya) - Matteo Berrettini (Italiya), juftlikda Lukash Kubot va Marselo Melo (Polsha/Braziliya) - Ivan Dodig hamda Filip Polyasek (Xorvatiya/Slovakiya), Rojer Federer (SHveycariya) - Dominik Tim (Avstriya) uchrashuvlari o'tkaziladi.